ကျနော်ကောင်းကောင်းမှတ်မိသေးတယ်ဗျ ၂၀၂၁ ခုနှစ် ဖေဖော်ဝါရီလ ၂၇ ရက်နေ့မှာ

တစ်ကြိမ်တစ်ခါတောင် မမြင်ဖူးတဲ့ လူတစ်ယောက်က ကျနော့်ကို

clubhouse ကိုသုံးခွင့်ရဖို့ Invitation ကို ပေးခဲ့တယ်

(ခုလို ဖုန်းနံပတ်ထည့်လိုက်တာနဲ့ သုံးမရသေးတုန်းကပေါ့ဗျာ )

ပထမဆုံးရောက်လာခဲ့တဲ့ မဟာရည်ရွယ်ချက်ကတော့

Chris Do လုပ်တဲ့ live event တွေကိုဝင်ရောက်ပါဝင်ဖို့ပါပဲ

ဒါပေမယ့် မြန်မာပီပီ ဒီပေါ်မှာရော မြန်မာတွေရောက်နေမလားဆိုပြီး

Search bar ထဲမှာ မဝင့်မရဲနဲ့ “Myanmar” လို့ရိုက်ရှာကြည့်လိုက်ပါတယ်

မထင်ထားပဲ club တွေရော လူအချို့ကိုရောတွေ့တယ်ဗျ

သိပ်ကို အံအြလွန်းလို့ ဘယ်အချိန်အဲ့လူတွေ စကားပြောမှာလဲလို့ စောင့်နေခဲ့မိတယ်

သိပ်မကြာလိုက်ပါဘူးဗျ သူတို့ပြောတာသွားနားထောင်ရင်းနဲ့

ကိုလပြည့် ကျနော်တို့ နဲ့ စကားပြောပါ လို့ ဖိတ်ခေါ်တာကို ခံခဲ့ရတယ်

introvert တစ်ယောက်အနေနဲ့ သူစိမ်းတွေနဲ့ စကားပြောရမယ်ဆိုတော့

ရင်ဘတ်ထဲမှာ ကုလားဘုရားပွဲ လှည့်သလိုပဲဲ “ဒိန်းတတ်တက် ဒိန်းတတ်တက်” နဲ့ ပေါ့ဗျာ

အာခေါင်တွေလဲ ခြောက် အသံတွေလဲ တုန်နဲ့

စကားပြောလိုက်ရင်လဲ ဘုနဲ့ ဘောက်

အပြောအဆိုက ဂွကျကျ ရှေ့မကြည့် နောက်မကြည့်နဲ့

ပြောချလိုက်ရင် စကားလုံးတွေက သူများကို

တင်းပုတ်ကြီးနဲ့ ထုချလိုက်သလို

လေးလေးပင်ပင်ကြီးတွေ

အဲ့အချိန်မှာ ကျနော်စဉ်းစားတယ် ငါဘာလို့ ကြောက်နေတာလဲ

ဘာတွေက ငါ့ကို ဒီလို ဖြစ်အောင်ဖိအားပေးနေတာလဲပေါ့

၂ ပတ်လောက်အဲ့ အဖြေကို ရဖို့ စဉ်းစားလိုက်ရတယ်ဗျ

တရားခံလဲ ရှာတွေ့သွားတယ်

ဖိအားပေးတဲ့ သူက တခြားလူမဟုတ်ဘူး

ကိုယ်ရဲ့ အရာရာကို အကောင်းဆုံးပြီးမြောက်ချင်တဲ့ စိတ် perfectionist နဲ့

ခေါင်းထဲမှ့ာပဲစကားတွေများကြီးပြောပြောနေတဲ့ introversion

အဲ့မှာပဲ ကမ္ဘာ့ အဆိပ်အပျင်းဆုံး combination နှစ်ခုကို သွားတွေ့တယ်

လူကြောက်တာကို introvert လို့ ထင်မနေပါနဲ့

လူတွေနဲ့ စကားပြောရတာ အားကုန်တာကို introvert လို့ခေါ်တာဗျ

ကြောက်တာတော့ မဟုတ်ဘူး

introvert သီးသန့်ကပြဿနာမရှိပါဘူး အေးဆေးနေတဲ့ လူလို့ ထင်ရတယ်

ကောင်းတဲ့အချက်ကတော့ ကိုယ့်ခေါင်းထဲမှာကိုယ်နဲ့ စကားပြောရမယ့်လူရှိနေတော့

မေးခွန်းတွေမေး အဖြေတွေရှာလို့ သိပ်ကောင်းတာပေါ့်ဗျာ

Perfectionist ဆိုတာ အမှားမရှိချင်တဲ့သူမျိုးလို့ လူတွေကထင်ကြတယ်

တကယ်တော့ ကိုယ်စောက်သုံးမကျတာကို သူများက မြင်သွားမှာဆိုးရိမ်တာပါဗျာ

ဘယ်နားလေးမှာ မှားနေတယ် လွဲနေတယ် မဟုတ်ဘူးလို့ ပြောခံရတယ်

အဲ့နေရာမှာတင် ခဏလောက် အသက်မရှိသလို ဖြစ်သွားတတ်တာ perfectionist တွေရဲ့ အကျင့်ပေါ့ဗျာ

ကောင်းတဲ့ အချက်ကတော့ အပြောမခံရအောင်

စေ့စေ့စပ်စပ်လုပ် တတ်တဲ့သူတွေအနေနဲ့တော့ သူတို့က နာမည်ကြီးကြတယ်ဗျ

အဲ့မှာ စတွေ့တော့တာပဲလေ

စိတ်ထဲမှာရှိတာတွေကိုလဲထုတ်မပြောရဲ ပြောရင်လဲအမှားမပါအောင်

အကြီးကြီးတွေပြောတော့ လေးလေးပင်ပင်ကြီးတွေနဲ့

စကားတစ်ခွန်းပြောဖို့ ခေါင်းထဲမှာမြန့်မာစွယ်စုံကြမ်း ၃အုပ်စာလောက် စဉ်းစားပြီးမှ

ထွက်လာတဲ့ စကားလုံးက မာတိကာ စာမျက်နှာရဲ့ အောက်ခြေမှာ တပ်တဲ့ နံပတ်စဉ်လောက်ပဲ

တော်တော်ကို ဆိုးသဗျာ

ဒီလိုဆိုဝါးလှတဲ့ ရောစပ်မှု နှစ်ခုရဲ့ အဆိပ်အတောက်တွေကို ဖြေဆေးလိုက်ရှာနေတဲ့ အချိန်မှာ

Dr. Jordan B.Peterson ရဲ့ Lecture Video အတိုလေးက ကျနော့်ရဲ့ YouTube new feed မှာ

Algorithm နတ်ဘုရားမလေးက ချစ်စနိုးနဲ့ ပို့ပေးလိုက်လေသလားမသိ

တိုက်တိုက်ဆိုင်ဆိုင်ကြည့်ဖို့ ရောက်လာတယ်ဗျ

အတိုချုပ်ပြောရရင်တော့ ရှေးခေတ် ပုံပြင်တွေကို သူက လေ့လာခိုင်းတာပေါ့

နိုင်ငံတကာမှာ ဒီလိုပုံပြင်တွေရှိတတ်ကြပါတယ်

နဂါးကြီး ကရွှေတွေ အပြည့်ရှိနေတဲ့ သိုက်ထဲမှာနေတယ်ပေါ့

ဒီမှာဆို နဂါးသိုက်မှာ ရတနာတွေပေါတယ်ပေါ့ သိုက်တူးသမားတွေက

နဂါးစီကနေ ရတနာတွေ သွားယူကြမယ်ဘာညာပေါ့ဗျာ

သူကတော့ အဲ့ပုံပြင်တွေထဲက နဂါးဆိုတာတွေက

အကြောက်တရားကို ကိုယ်စားပြုတယ်လို့ ဆိုသဗျာ

နဂါးတွေက ရွှေငွေကျောက်သံပုတ္တမြားတွေကို စောက်ရှောက်နေသလိုပဲ

ကျနော်တို့ ရဲ့ အကြောက်တရားတွေရဲ့ အောက်မှာလဲ ကျနော်တို့ ရဲ့ ဘဝတွေကို

ရွှေငွေကျောက်သံပုတ္တမြားတွေရသလို ပြောင်းလဲ သွားနိုင်တဲ့

အားပျင်းတဲ့ စွမ်းအားတွေရှိပါတယ်တဲ့ဗျ

အဲ့ ဒီ video ရဲ့ အပြီးမှာပဲ ကျနော့်ရဲ့ Perfectionist + Introvertion ရဲ့

အဆိပ်ကိုပြေစေတဲ့ မဟာဖြေဆေးကြီးကို ရသွားတော့တာပဲဗျာ

ဆေးကောင်းရင် ရောဂါချက်ချင်းကောင်းဆိုသလို

ကျနော်ရဲ့ စိတ်ကူးစိတ်သန်း အသစ်တွေကလဲ

သိုက်တံခါးပွင့်သွားသလို ရတနာတွေကို ထုတ်သုံးလို့ ရလာခဲ့တယ်ဗျ

ခေါင်းထဲမှာ တွေးနေတဲ့ အတွေတွေရဲ့ စပ်ဆက်မှုကို

ကျနော့်ပါးစပ်က စကားလုံးတွေရှာပြီး ပြောဖို့ သတ္တိတွေပေါ်လာခဲ့တယ်

အဆိပ်ပြေတာနဲ့ မြင်း ဇောင်းကလွတ်သလို တရစပ်မနားတန်း မမောမပန်း

ကိုယ့်ရဲ့ ပြောနိုင်စွမ်း နားလည်နိုင်စွမ်းနဲ့ သင်ယူခဲ့တဲ့ပညာ ရခဲ့တဲ့ ဘဝအတွေအကြုံတွေကို

ခေတ်မကောင်းလို့ ဘာမှ မတတ်နိုင်ဘူးဆိုတဲ့လူငယ်တွေကို မျှဝေဖို့ အချိန်တွေ အများကြီးပေးပြီး

တစ်ပတ်ကို တစ်ခန်းအနေနဲ့ တောက်လျောက်ပြောဆိုလာနိုင်ခဲ့တယ်

နိဂုံးချုပ်ရရင်တော့ ဘာမှန်းမသိတဲ့ အရာတွေ မသေချာမှု မရေရာ မှုတွေကိုဆိုရင်

ကျနော်တို့ လူတွေက ကြောက်တတ်ကြတယ်ဗျ

စွန့်စားမှုတွေကို မလုပ်ရဲတဲ့ သူတွေက ဖြစ်လာမယ့် Result ကိုကြိုမသိရလို့

ရှေ့တိုးဖို့ မဝင်မရဲဖြစ်နေတာက နောက်ဖြစ်လာမှာတွေကို ကြိုမသိနိုင်လို့

တစ်နေရာက တစ်နေရာကို ပြောင်းရွှေ့လုပ်ကိုင်ရမှာ ကြောက်တာက

နောက်နေရာက အခုလောက်အဆင်ပြေပါ့မလာလို့ကြိုမသိနိုင်လို့

ဒီတော့ ကျနော်တို့ တွေက ကြိုသိနိုင်တဲ့ ခန့်မှန်းနိုင်တဲ့ အရာတွေပဲလုပ်နေမယ်ဆိုရင်

ပြီးခဲ့ပြီးသား pattern တွေကဘယ်လိုလုပ်ရုံးထွက်နိုင်ပါ့မလဲဗျ

ကျနော်အခု Clubhouse Masterclass တွေ

MoonBase Community မှာ သင်ကြားပေးနေတာတွေက

perfectionist နဲ့ introversion ဆိုတဲ့ နဂါးကြီး နှစ်ကောင်ကို

ခြေမှုန်းအောင်နိုင်လို့ရလာတဲ့ နဂါးသားရည် ကိုအဆင်တန်ဆာအဖြစ်ဝတ်ဆင်နေတာပဲဖြစ်တယ်ဗျ

ဒီတော့ သင်ရော ဘယ်အကြောက်တရားတွေရဲ နောက်မှာပုန်းနေသလဲ ?

ဘယ်တော့ နဂါးကြိီး ကို အနိုင်ယူပြီး ရတနာတွေကို ရယူသုံံံံံးစွဲမှာလဲ ?